Nett so halloumi, men laga på den ferske mjølka frå kyrne våre med litt mindre salt enn den kypriotiske halloumi-osten. Del osten i skiver og steik på middels høg varme for ei crispy skorpe.

Serveringstips og bruksområde:

Osten er ikkje så salt som Halloumi, så du kan gjerne steike han i smør eller krydre etter smak. Del osten i skiver på 0,5-1 cm og steik. Passer godt i m.a. salatar. Osten blir av nokre brukt som eit alternativ til kjøt, f.eks som burger eller bacon til sundagsfrukosten.

Upasteurisert og uhomogenisert slik at den opphavelege mikrofloraen, enzyma, vitamina, minerala og proteina i mjølka framleis er intakt. Mjølka er alltid heilt fersk, rett frå kyrne, berre avkjølt litt før den blir syrna med melkesyrekulturar som gjev den gode smaken og haldbarheita. 1 liters glasflaske.

Serveringstips og bruksområde:

I vår familie går det mange liter surmjølk i veka: typisk bondekost her er havregryn med surmjølk og litt syltetøy eller rosiner, som ein god variasjon til brødmat. Surmjølka passar godt på müsli og kornblandinger, og er sjølvsagt god i smoothie saman med bær.

Dette er ein naturell, mild og rund jogurt laga på dagsfersk mjølk frå kyrne våre. Den blir pasteurisert i prosessen og tilsett litt jogurtkultur. Elles er det verken teke vekk noko eller tilsett noko. 0,5 liters boks

Serveringstips og bruksområde:

Jogurten er mild. Et den gjerne med litt havregryn, bær eller honning. Bruk den som dipp eller prøv den saman med laks i staden for rømme.

Upasteurisert ost modna med mjølkesopp og vegetabilsk oske. Den er laga på same måte som ein chevre, men på kumjølk. Osten er mjuk og mild på smak som ung. Ligg den litt lengre så blir det litt kraftigare smak.

Serveringstips og bruksområde:

Optimal serveringstemperatur er kanskje 13 grader. Den gjer seg fint på eit ostefat. Ulikt tilbehør gjer ulik smak på osten. Kanskje likar du best det søte, som honning eller ulike gelèar. Vårt beste tips er “Tre nøtter til Oskepott”: for osten smaker spesielt godt saman med rista salte hasselnøtter.

Nett so feta, men laga på den ferske mjølka frå kyrne våre. Me lagar to variantar. Den eine er naturell i vakuumerte blokker, og den andre varianten er bitar av salatost som ligg på glas i rapsolje med krydder som me sjølve har plukka og tørka. Dette er enten kvitløk med vintersar eller ramsløk.

Serveringstips og bruksområde:

Skal du ete salat, så er det lettvint å blande inn eit glas med salatost. Då er dressingen òg ferdig. Elles er salatosten god i grateng, på pizza eller i pastasaus.

Dette er ein frisk, syrleg og mild kremost, som du kan få naturell eller med grasløk. Konsistensen er krema og smørbar.

Serveringstips og bruksområde:

Passar godt på kjeks og brød. Prøv den gjerne i ostekake, dipp, i supper eller sausar. Me brukar grasløkvarianten gjerne som base for kvit pizzasaus.